சாளரம்
உவகையின் சாளரம் உதட்டின் புன்னகை
துன்பச் சாளரம் பெருகும் கண்ணீர்
பொறாமைச் சாளரம் பொங்கும் எள்ளல்
நட்புச் சாளரம் தக்கதோர் உதவி
அறிவுச் சாளரம் ஆழ்ந்த அடக்கம்
கல்விச் சாளரம் உயர்ந்த
மதிப்பெண்
கற்பனைச் சாளரம் கவிதைகள் குவிப்பு
தீமைச் சாளரம் பொய்மைப் பூச்சு
ஏழ்மைச் சாளரம் நியாயவிலைக் கடை
பஞ்சச் சாளரம் வறண்ட நிலங்கள்
தேர்தல் சாளரம் தெருமுனைக் கூட்டம்
குடியின் சாளரம் நடைதள் ளாட்டம்
நீட்டின் சாளரம் தற்கொலைச் செய்தி
பசுமைச் சாளரம் தரைபடு மழைத்துளி
விசும்பின் சாளரம் தண்ணிய நிலவு
குசும்பின் சாளரம் கேலிச் சித்திரம்
நசிவின் சாளரம் சாலை மறியல்
பசியின் சாளரம் ஊழல் அரசே!
No comments:
Post a Comment